「佔中」未始已顯危害

   「佔領中環」雖尚未行動，但香港已經感受到潛在嘅危機。港區全國人大代表蔡素玉表示，得悉有國際金融機構已準備好，一旦「佔中」實行，佢地就會將營運中心轉移去新加坡，好大可能唔會再返香港。佢呼吁社會各界人士唔好睇低「佔領中環」嘅破壞力。
　　嘉華國際主席呂志和、前香港上海滙豐銀行亞太區主席鄭海泉、香港中華總商會副會長盧文端及常務會董朱蓮芬等，都嚴厲批評「佔領中環」會衝擊香港嘅經濟發展，破壞香港嘅和諧穩定，希望大家追求民主爭取普選嘅同時，都要尊重同埋堅持「一國兩制」，並根據《基本法》依法辦事。
　　對於反對派提出嘅「佔領中環」行動，全國政協常委、律師會前會長劉漢銓表示，「佔領中環」系違法行動，將嚴重打擊香港法治基石嘅堅固性，而且其中竟然有法律系學者支持，真系駭人聽聞與匪夷所思。佢又指出，港人不應該支持呢種違法手段，如果「佔領中環」成為事實，將引起成個社會嘅混亂，勸喻港人三思。對此，有香港教授就話「佔中」毀咗年輕學生前途。
　　針對「佔領中環」行動發起人公開鼓動後生人觸犯法律嘅呢種行為，港區全國人大代表、香港專業進修學校校監劉佩瓊表達咗自己嘅不滿，「唔理你哋系唔系老師，煽動年輕人甚至未成年人做違法嘅事，令到佢哋承擔不良後果、影響前途，呢啲都系極唔負責任嘅。」 

　　先前堅持與反對派嘅「真普聯」劃清界線嘅戴耀廷，系陳方安生組建成第三個爭取普選團體之後，終於承認「佔中」運動嘅真實目的在於為「真普聯」與「香港2020」提供平臺，奪取民意授權，製造政治危機，觸動「北京底線」。